ഒതുക്കി പറയുമ്പോൾ!!!

ചില രചനകൾക്ക് അങ്ങനെ ഒന്നുണ്ടല്ലോ 
പുര കത്തുമ്പോഴും ചവച്ചു തുപ്പികൊണ്ടിരിക്കും ചുവപ്പ്!!
ഉറങ്ങിക്കിടക്കുന്ന ഉത്തരങ്ങളെ 
കാക്കാൽ വച്ച് നടന്നു കളിക്കും 
ചില ഉത്തരങ്ങളും അങ്ങനെതന്നെ യാണല്ലോ 
മരിച്ചു കിടക്കുന്ന ചോദ്യങ്ങളുടെ നടുക്ക് കയറി 
വാവിട്ടു നെച്ചതടിച്ചു നിലവിളിച്ചു കൊണ്ടിരിക്കും 
ഉറക്കം മുറിച്ചു ചാടിപ്പോയൊരു ദീർഘ നിശ്വാസം 
ഭ്രാന്ത് പിടിച്ച ഒരു കാറ്റ് എന്നപോലെ 
മുറ്റത്തെ പ്ലാവിൽ വലിഞ്ഞു കയറി 
പിടിച്ചു കുലുക്കി കളയുന്നുണ്ട് കൊമ്പുകളെ 
എന്നിട്ട് അതിൽ കൂടുകൂട്ടിയ ഒരു പ്രാവിനെ 
പറപ്പിച്ചു വിട്ടു അതിന്റെ കൂട് വലിച്ചു താഴെയിട്ടു മുട്ടകൾ പൊട്ടിച്ചു!!!
ഇടയ്ക്കിടയ്ക്ക് കാണാതാകുന്ന ഹൃദയമിടിപ്പ്‌ ധൃതിയിൽ 
പമ്മി തിരിച്ചു കയറിവരുന്നുണ്ട് എന്തോ ഒപ്പിച്ച കള്ള ഭാവത്തോടെ!!!
കടക്കണ്ണിൽ കൂടെ ചാടിപോയൊരു നോട്ടം 
മതിലിൽ പിടിച്ചുകയറി ഊര്ന്നു വീണത് വേരുതെയോന്നുമായിരുന്നില്ല്യ ..
വിരലൂര്ന്നു പോയൊരു സ്പര്ശം അമ്മ നഷ്ട്ടപെട്ട ശിശുപോൾ 
തെരുവിൽ അലറികരഞ്ഞു നടപ്പുണ്ട്!!
അതുമാത്രമല്ല ഇന്നുരാവിലെ ഉറക്ക മേനീട്ടു നോക്കുമ്പോഴുണ്ട് 
ഒരു പഴംപാട്ട് മുറ്റത്ത്‌ നിന്ന് തിറയാടുന്നു 
കണ്ണിലൂടെ പമ്മി പമ്മി കടന്നുവന്ന ഒരു കാഴ്ചയുണ്ട് 
ഓര്മ്മകളെ വിളിച്ചുണർത്തി വട്ടമിട്ടിരുതി കഥ പറയുന്നു!!!
ഈയിടെയായി തെക്കേ തൊടി വഴി നടക്കാൻ വയ്യാതായിരിക്കുന്നു ..
കാണുമ്പോഴൊക്കെ തെക്കൊട്ടെടുക്കുമ്പോൾ ഞാനേ കാണൂ 
ചിതയിൽ കൂടെ എന്ന് വിളിചോര്മ്മിപ്പിക്കുന്നു മൂവണ്ടാൻ മാവ് !!!
ഒതുക്കി പറയുമ്പോൾ ഉറങ്ങുമ്പോഴും ഉനർന്നെനീട്ടാലും 
പേടിക്കേണ്ട അവസ്ഥയാണെന്നാണ് പറഞ്ഞുവന്നത് !!!!!

"സുജിത് മേനോൻ "